CITAS PARA PENSAR

ACTUALIDADE


mércores, 26 de setembro de 2007

PLENO 26/09/2007
Hai unhas horas que cheguei do pleno, subin "remoendo", case nin cei por que seguía "remoendo", e sigo "remoendo". E non sei coma podo definir o acontecido, e non por que fora "movido", non, senón por que parece que o pleno de hoxe había que convocalo por que así foi aprobado no 1º pleno extraordinario e hoxe "tocaba".
En fín, hei de repasar as notas, supoño que unhas cantas veces para atoparlle sentido a este "surrealismo", e logo seguirei escribindo,.... non vos alarmedes e me vedes escribir ós poucos,... por que hai que vivilo para creelo.

ACTA DO PLENO DE 24/07/2007 DO CONCELLO DE CABANAS



Páx. 1


Páx. 2

Páx. 3

Páx. 4


Páx. 5


Páx. 6


Páx.7


Páx. 8

CONVOCATORIA DE PLENO ORDINARIO PARA O 26/09/2007 NO CONCELLO DE CABANAS




mércores, 12 de setembro de 2007


PLENO DO 24 DE XULLO DE 2007 DO CONCELLO DE CABANAS



A continuación vai un resumo do acontecido no pleno do concello de Cabanas no día 24/07/2007.

Na Orde do día:


1º/ APROBACIÓN DA ACTA DO PLENO DE 09-07-2007.


O BNG pregunta si as copias de grabación estarán no expediente do pleno. Non lle respostan.
Aprobada: 8 a favor (PP-AEC, IVC, PsdeG-PSOE) e 3 abstencións (BNG)

2º/RATIFICACIÓN SOLICITUDE SUBVENCIÓN SERVICIOS SOCIAIS.


BNG: Comenta que con data do 23-03-2007 foi enviada unha solicitude asinada polo anterior alcalde, que en xullo a Consellería require ó concello novos datos que faltan na solicitude, Non hai subvención por iso, falta asemade o certificado do acordo plenario da petición; o requerimento ven con data de 10-07-2007 e con dez días hábiles para enviar a documentación, polo que xa estamos fora de plazo. Faltan datos na solicitude da petición asi coma que os concelleiros tampouco teñen dita documentación.
PSOE: Comenta que é o 2º requerimento dende marzo de 2007 que fai a consellería, e é moita hora de atendela.
IVC: “O BNG está a marxinar Cabanas, xa que estamos acostumados a que o caciquismo segua na Xunta” (¿¿¿???), “parece mentira que o BNG veña con ameazas” (¿¿??), “e se lle falta documentación, o que ten que facer é traballar”.
PP: “vicepresidencia sabe dos problemas que tivemos”....
Aprobada por unanimidade. 11 a favor.

3º/ EXPEDIENTE MODIFICACIÓN CRÉDITOS 3/2007.

Que conta co dictamen favorable da comisión de fachenda.

Neste apartado houbo un pouco de cruce de acusacións, e comentarios explicativos.
O PsdeG-PSOE tócalle asistir a unha de cada dúas comisións de facenda por ser integrante do Grupo Mixto (grazas á derogación do ROFM: 1 vez de cada 4 meses), polo tanto nesta non estaba e pide unha serie de explicacións:
a) ¿vaise a sacar a concurso a plaza de limpiadora do colexio de Porto? (non lle dín nada)
b) Hai un incremento no mantemento do alumado público dun 75%, ¿a qué é motivado?.
c) En Cultura hai un descenso de 20.000€, e non se suplementan deportes.
d) No apartado de infraestructuras pregunta a qué se fai referencia e dinlle que :reparacións, limpeza de cunetas, arribóns, desbroces,.. ó que lle replica o representante do PsdeG-PSOE que no Concello hai un tractor novo e unha desbrozadora de brazo para esa tarefa de limpeza, “úseno e non gasten nese apartado”.
IVC: manifesta que as obrigas xudiciais son prioritarias.
PP: a) “en alumbrado tengo que decir que non funcionan la mitad de las farolas”.
b) “en Cultura: posiblemente en octubre se vuelva a modificar, además tuvimos que recoger un libro en la imprenta que estaba sin recoger desde mayo de 2006”. Ese libro é o “Primeiro plano de igualdade de oportunidades entre mulleres e homes do concello de Cabanas , prologado pola anterior concelleira de Asuntos Sociais e Cultura Dª Mª José Cabana, a cal dí que si non se colleu foi por que a imprenta dixo que ainda non estaba rematado. (De tódalas maneiras ese libro agora atópase nalgún rincón do Concello, e non verá a luz por estar prologado por quen está).

AEC: D. José C. Rey explica que estas modificacións de presupostos é normal, e que en partidas esgotadas suplementanse con presupostos doutras partidas non esgotadas e que “posiblemente en outubro-novembro haiba outra modificación”.

Presidencia do Pleno: O alcalde sae en defensa de José C. Rey, decindo que “estamos cerrando un ciclo onde o Sr. Rey non ten nada que ver”. Ó que lle replica Koke: “ sendo concelleira na anterior corporación polo grupo PsdeG-PSOE, tiña responsabilidades en materia de Asuntos Socias e Cultura, e creo entender que o Sr. Rey era Tenente Alcalde e leva a materia de Obras e Servicios, digo que terá moito máis que ver que eu”.

A modificación de créditos queda aprobada: a favor 6 (PP-AEC), en contra 4 (BNG e PsdeG-PSOE), abstencións 1 (IVC).

4º/ MOCIÓN DE URXENCIA DO BNG PARA TRATAR DA SUPRESIÓN DA INSPECCIÓN EDUCATIVA.
Non se toma en consideración en contra 6 (PP-AEC), a favor 4 (BNG e PSdeG-PSOE) e 1 abstención de IVC.

5º/ ROGOS E PREGUNTAS:
BNG: 1ª Preg.: ¿Qué medidas se van a adoptar ante o problema que ocurreo o día 06-07-2007 nas dependencias do concello coa técnica de turismo? Resp: haberá unha asamblea e contestarei no próximo pleno.
2ª Preg: Na reunión co Sr. Eimil, ¿qué actuacións concretas se van a facer na praia?. Resp.: “comprobareis in situ lo que se va a hacer”.
3ª Preg: ¿Qué compromiso adquiríu para o “bulevar” do Areal? Resp.: “No próximo pleno falaremos, según se vaian facendo as obras xa veredes”.
4ª Preg.: Nas obras de Laraxe-As Pontes ¿cales son as iniciativas? Resp: “Se van a solucionar los problemas”. “estou sorprendido pola túa presa”, “deixame traballar”.

IVC: Preg.: Nos convenios da EDAR e da N-651, ¿qué vai facer para levar acabo esos convenios?. E un rogo: “tras as desafortunadas intervencións do BNG faga o favor de defender ós veciños de Laraxe, xa que foi BNG-PSOE quen loitou para que a carretera pasara por Laraxe. Leve a auga a Laraxe. Resp.: “Neso estamos”.

PsdeG-PSOE: 1ª Preg.: Ante a derogación do regulamento municipal por PP-AEC-IVC, ¿cómo se vai a regular as intervencións nos plenos, Rogos e preguntas?. Resp.: O tempo dependerá dos temas a tratar, a criterio da presidencia. En rogos e preguntas as que fagan falta. (O criterio vai ser perigoso, por que me parece que vai a imperar o de aqui mando yo).
2ª Preg.: Traballo concedeu 2 voluntarios para a praia, sae na prensa que están contratadas, Resp: non están contratadas,. Rógolle que controle ese tema xa que a problemática de que voluntarios fagan labouras de socorristas pode acarrear graves problemas. Resp.:Estase a solucionar.
3ª Preg.: A repecto do incidente coa técnica de turismo que rematou cunha denuncia na Garda Civil, ¿Qué medidas pensa tomar?. Resp. : Haberá unha asamblea e contestarei no próximo pleno.
Un Rogo: Coma xefe de persoal, e nos posibles incidentes futuros, tome as medidas necesarias correctoras fronte ós agresores e non fronte ós agredidos. (Neste momento unha persoa do público- se cadra sintéuse aludida- increpou á representante de PsdeG-PSOE, chamándolle caradura, que poca vergüenza tienes,... sen que a presidencia tomara ninguha medida).


En fín eso foi a groso modo o que deu de sí o pleno do día 24-07-2007.


¡¡Admítense comentarios!!!!.

mércores, 5 de setembro de 2007

HAI MANEIRAS E MANEIRAS

¿Cal é o signo que define a un individuo?. ¡¡¡¡¡A humanidade!!!!. Sentirse humano significa que tanto homes e mulleres, en plural, temos as nosas diferencias, pero hai un mínimo común denominador que, á miña maneira de ver e pensar resúmese en: "Non fagas ós demáis o que non queres que che fagan a ti". Os sentimentos hainos de moitas cores, e tendencias, e hoxe quero falar de coma se xogan coas persoas. Coma se pasa de pensar nelas coma tales a ser reducidas a un simple dato e mingunealas.
¿Por qué falo desto?, por que dende as eleccións do 27 de maio a un integrante da nosa candidatura, despois de levar traballando na súa empresa, cumplindo co seu cometido diariamente sin incidentes, négaselle a posibilidade de traballar usando a súas capacidades complementarias adquiridas con cursillos impartidos pola Consellería de Traballo e co seu carnet correspondente en vixencia, baixo o dictamen do xefe da empresa que lle dí que ese carnet para el está caducado ou non o capacita para dito traballo, relegándoo aos mínimos, sen darlle a posibilidade de realizar horas extras coma o resto dos seus compañeiros,.... ata ahí chega a represalia, só por ir defendendo unha opción política.
Tamén a outro veciño, que non foi en ningunha opción política, pero disque se lle supón (que xa é moito suponer), tras conseguir unha mellora no posto de traballo: pasaba a ser indefinido de empresa, por que tras unha semana de folga da súa empresa nuns cantos concellos (cando a recollida de lixo), consiguen unha mellora salarial anual ata 2009, así coma que no recorrido que fai a empresa incremente a plantilla nun operario (¡¡acordo entre traballadores e empresa, ollo!!), pois tras unha “presión política”, retiranlle a oferta de traballo.
Se eres capaz de facer ou incentivar ditas maneiras, deixas de ser humano, pasas a ser inhumano.
É inhumano xogar cos sentimentos das persoas,
É inhumano xogar cun dos bens máis preciado na actualidade: O TRABALLO.
É inhumano xogar coa vida das persoas.
É inhumano xogar coas FAMILIAS que dependen do traballo desas persoas.

¡¡¡¡¡UN INHUMANO NON ME MERECE RESPETO NINGÚN!!!!!
¡¡¡¡¡A POLÍTICA TEN QUE SERVIR PARA OUTRAS COUSAS!!!!!

A POLÍTICA COMO SERVIZO PÚBLICO

Afirmaba Aristóteles que o ser humano é un animal político, social por natureza. Estou totalmente de acordo con ese principio, que habería que explicar un pouco máis desde o punto de vista etimolóxico, aínda que non é o momento. Tamén di o filósofo grego na POLÍTICA, unhas liñas más abaixo da anterior cita, que o ser humano é o ser que ten logos é dicir palabra, razón. Esa é a esencia da Política: o debate racional, o diálogo, co fin de servir ós intereses da polis, da cidade, públicos. Nas sociedades democráticas a POLÍTICA é un servizo voluntario ós intereses públicos. Baixo o meu punto de vista significa o interese de liderar desde unha perspectiva política unha colectividade humana unha vez que o pobo manifeste a súa libre vontade nas urnas, escoitado e debatido o proxecto presentado á cidadanía. Polo tanto a perspectiva política nunca pode ser un fin en si mesmo senón un medio para conseguir os fins lícitos que sirvan ó desenvolvemento desa sociedade de acordo cos dereitos humanos e as leis e normas que rixen a un determinado estado. Noutro blog xa nos referimos ó sentido e significado da verba liderazgo e a participación en Política. Insisto na palabra voluntario. Non creo nos políticos que se sinten obrigados a ocupar un determinado posto político. Aquí non se obriga a ninguén, ten que ser o exercicio voluntario dunha vocación, dun traballo, dunha profesión apaixonante que ten que ter claro que o fundamental, que o motivo principal da actividade é o servizo público, sempre nas mellores condicións, é dicir coa firme decisión de facer un traballo que redunde nun claro progreso social, económico e cultural dos cidadáns ós que se sirve. A ninguén se lle forza para que acepte un posto político e que se dedique ó mesmo con total dedicación ou para acudir ás urnas a disputar a confianza dos cidadáns, xuices que nunca, NUNCA, se equivocan nun estado democrático e libre. Non pasa polos mellores momentos a dedicación á POLÍTICA. Primeiro polo mal exercicio que algúns fan da mesma, exercicio contrario as Leis ou o sentido común, cousa que o Poder Xudicial se encarga de castigar cando esas accións son coñecidas. É fácil a xeneralización e o que fan algúns dise de todos, caendo nunha fácil difamación ou calumnia. Segundo porque algúns comportamentos difiren dese sentido que ten que ter a POLÍTICA de debate racional, e convértese nunha loita partidista e persoal na que o insulto, o “chascarrillo”, o enxeño inmediato substitúe ó debate racional e deixa de lado a solución dos problemas que teñen os cidadáns e trata seudoproblemas que só lles interesan ós que viven fora da realidade. Terceiro porque a POLÍTICA esixe plena dedicación e a recompensa non debe ser outra que a conciencia do deber cumprido, unha vez que as necesidades materiais básicas estean cubertas. Ben é verdade que a democracia, con todos os seus defectos, pon a cada un no seu sitio. Pero aínda así é necesario que os que nos dedicamos á Política reflexionemos sobre o exercicio que diariamente facemos dela para comprender e evitar esa desafección que se produce no seo da sociedade e que pode conducir a que a demagoxia ocupe o lugar que lle corresponde á democracia.
José L. Orozco. luns, 23 de outubro de 2006 ás 0:34:16 no seu blog www.joselopezorozco.com
ACTA DO PLENO DO 09/07/2007 DO CONCELLO DE CABANAS
























































FOTOS DO PLANO DA OBRA

Entrada da vía de servicio ó pé da pista polideprotiva de O SALTO.


.Ponte a PORCAR sobre a vía, cruce ó lado do almacén de Feal .

Saída a Cabanas, onde propoñemos que se fagan as illas na estrada de AS PONTES, con entrada ó SALTO e saída ás PONTES.




Saída ás PONTES.