RECAPACITACIÓN.

Logo desta xornada democrática no concello de Cabanas, dende aquí FELICITAR a Germán Castrillón por ter alcanzado a maioría de votos, e desexarlle o mellor.

Dende a parte que me toca o PSdeG-PSOE en Cabanas tivo un serio retroceso, do cal temos que sacar unha serie de conclusións, e ser capaces de facelas chegar á cidadanía, con seriedade e valentía.

Sabemos que a situación non é nin moito menos doada, que seremos "mofa" de moitos, eu o primeiro por errar na quiniela electoral de maneira tan esaxerada. Que o traballo a desenrrolar no concello cun só concelleiro non será doado, pero poido decir que Mª José Cabana será unha portavoz eficaz dos veciños e veciñas que queiran achegar peticións, suxerencias, denuncias, etc. xa que ese era e será o noso compromiso.

Ós nosos votantes decirlles que as ideas políticas do PSdeG-PSOE en CABANAS seguirán sendo a de traballar para que este concello teña o que se merece: RESPETO E RECOÑECEMENTO.

Temos por diante catro anos para voltar a ter o apoio dos nosos veciños e veciñas. Por que estou convencido de que se o traballo é honesto, sinceiro e dedicado só para conseguir o mellor para CABANAS teremos ese recoñecemento. E se non o temos, pois sempre podremos ir coa cabeza ben alta por que o que nos movía e move a estar neste barco non é máis que conseguir o benestar social para todos e todas.

GRAZAS ÓS QUE NOS VOTARON, SEGURO QUE NON VOS DEFRAUDAREMOS, NIN A VÓS NIN Ó POBO DE CABANAS.

SEMPRE SOCIALISTAS.

GRAZAS.

REFLEXIÓN e GRAZAS.

Despois destos días de trote e non parar,...a impresión é:

Nos primeiros días: ¿cómo será?,....¿vannos recibir ben?...

No medio da campaña: uffff....non dá tempo,....¿quen pideu ésto?,...¿fáltannos datos....?,...jo... mañán é o último día.

Onte: último mítin, último día, constatación de que si encaras os problemas con seriedade, compromiso e dedicación, saen ben as cousas. Aínda que sempre habrá quen che diga que se poido facer máis,..... e iso é o que FAI AVANZAR A SOCIEDADE.

Grazas por ternos recibido desa maneira tan civilizada e mostrando a vosa inquietude que tamén é a nosa de poñer entre todos a camiñar este CONCELLO.

Saudos e sorte.

P.D.: dende hai mes e medio foi a noite que mellor durmín.

P.D(2): Non podía faltar a Quiniela= PSdeG-PSOE:4, BNG:3, PP:2 IVC:1,AEC:1

¡¡¡¡¡¡O que me pode caer!!!!!!! ¡¡¡¡¡¡jejeje!!!!!!

ÁS VOLTAS CO PORTA A PORTA.

Pois xa vedes, agora estamos tocando ó fín da campaña electoral, uns non fan máis que tomar Termalgin e tilas, polo frío e o estress, outros decidímonos máis polo café e a pequena siesta que comenza co deporte no telediario e remata co tempo. Sempre e cando a Noa e o Antón non se lles dé por competir quen deles é o que acapara máis chacho de papá. En fín que ós fillos por moito que chegues esgotado póñenlle as pilas a un.

Xa digo, eses pequerrechos son e deberían de ser o motor polo que temos que mirar, xa que serán eles os que nos van a esixir no futuro as responsabilidades polo feito agora.

Nada me agradaría máis que os meus fillos se sintiran orgullosos de mín coma eu o estou dos meus pais.

Espero estar á altura, e cumprir coas miñas responsabilidades no concello de CABANAS. Sigue a ser o meu compromiso e o dos meus compañeiros de candidatura no PSdeG-PSOE.

Saúdos e ánimo.

Percorrido polo concello.

Todos nos queixamos que o tempo é pouco. Pero son as regras do "xogho", e son para todos.

Como sabes, todo isto é novo para mín e os meus compañeiros, polo que todo o que facemos é expontáneo e sinceiro; decidimos que temos que darnos a coñecer polo pobo. ¿Cal é a impresión?. A miña é boa. Todos nos reciben ben, desconfiados ó primeiro, somos catro a repartir e o coche da megafonía a "rular a canción", e iso polos rueiros tranquilos de Cabanas non soe pasar.

¿E que nos piden?: INCREIBLE= "Esperamos que entredes alí, xa sexades vós ou outros e que miredes polo pobo, non vos olvidedes de vir por aquí a miúdo, non só nestas datas". Mirar polo pobo non é outra cousa que tentar de coñecer as súas necesidades; e hainas tanto xerais para todos e todas as veciñas e veciños, como puntuais de cada rueiro= "mirade coma está este camiño, é o que máis se usa para baixar á vila e non se lle volveu a tocar dende que se fixo".

O pobo de sempre foi sabio, e sabe que os imposibles son sempre imposibles; pero se facemos cousiñas de a pouco e sen parar se cadra en catro anos temos feito moito. E iso é o que quere o pobo de CABANAS, que miren por el e que o que entre a gobernar deixe os beneficios particulares na súa casa.

Saúdos e ánimo.

20/05/07 Seguimos cos percorridos polos rueiros do concello.

A impresión segue a ser a mesma, e piden educación e sensibilidade polos problemas que plantexan.

Nos mítines que tivemos tanto en Porto coma en Laraxe foron distendidos, mellor en Laraxe por que xa tiñamos un pouco máis de "tablas" e puxemos o vídeo da presentación da candidatura que daba un pouquiño máis de calor (non se parecía en nada ó que fan os "albertos" pero alí estaba), e foi donde a xente se interesou máis en preguntar non tanto sobre o contido do programa senón de cómo iamos a desempeñar o noso traballo. E temos que decir que a xente saíu sabedora de que se gobernamos será tendo enfrente de nós ó POBO, queremos que todos os veciños e veciñas sepan que poden ir ó concello para consultar calquera dúbida, para informar de calquer incidente, para queixarse do que consideren oportuno e podendo ser por escrito para que quede unha constancia, e que entre todos podemos facer FUNCIONAR a este CONCELLO, os políticos coas ideas que levamos no programa, que o do PSdeG-PSOE de Cabanas é totalmente real, necesario e realizable; os veciños, xa sexa individualmente o colectivamente, coas súas suxerencias vannos indicar por onde van as necesidades e realidades de Cabanas e deseguro que con respeto, educación , dedicación e traballo levaremos adiante este barco e faremolo navegar con orgullo e situaremos outra vez a CABANAS no lugar do mapa que lle corresponde.

Gracias polo apoio que nos estades dando.

Comenza a CAMPAÑA ELECTORAL EN CABANAS

Despois da pegada dos carteis electorais que dá o pistoletazo de comenzo oficial da campaña no Concello de Cabanas, de coincidir nós, PSdeG-PSOE ceando, IVC tomando uns viños e pinchos e PP uns viños no mesmo establecemento; miradas e acenos cruzados. (non quero pensar o que se lle pasaría pola cabeza ó dono do local...... jejeje). Despois de todo os primeiros en marchar foron os de IVC e logo fomonos nós, e saudamos cordialmente ós do PP ó sair...... Algo que non debería ser anecdótico, pero tralos anos de insultos e despropositos no concello penso que sí ten a súa relevancia.

En fin, aló fomos a facer a primeira pegada con toma de fotos incluida, inexperiencia na "grapada", que é máis limpa que a cola,...... e se cadra máis fácil de boicotear, coma nos pasou en Cardeita e noutros sitios,.... que triste non saber nin compartir un lugar público-explicitado para que tódolos grupos que participan nestes comicios peguen os seus carteis. Coma dixo a vicepresidenta do Goberno sobre as declaracións de Aznar e o viño-conducción: "-se comentan por sí solas-".

Despois de días, tardes e noites de reunións e traballo, pois só nos queda ser capaces de transmitir o noso programa e que os veciños e veciñas de este querido CABANAS decida o seu voto polo PSdeG-PSOE, que seguro non vai sair defraudado.

Ese é o noso compromiso e empeño, ese é o meu compromiso e empeño.

Saúdos e ánimo.

Estimados amigos/as,compañeiros/as:

Gracias por acompañarnos nesta presentación da candidatura de Mª José Cabana polo PsdeG-PSOE á alcaldía de Cabanas nas eleccións municipais de maio de 2007. Un acto de presentación no que nos acompañan persoeiros de relevancia: Dª Dolores Villarino, presidenta do Parlamento de Galicia, e D. Pedro Armas, Delegado provincial de educación na Coruña, compañeiros que representan a maneira de traballar que ten este partido, o PsdeG-PSOE, un partido que tenta aglutinar a persoas válidas tanto pola súa capacidade de traballo e ideas, como pola súa perseverancia para levar este barco que se chama política a bon porto e cos máximos proxectos realizados para o desenrolo e benestar da sociedade.

Cabanas ten ante sí un momento único de cambio, de posibilidades de medrar en sociedade, benestar e infraestructuras,..... UN NOVO TEMPO político, que o pobo de CABANAS non debe deixar escapar; un novo tempo que comenzou hai tres anos con José Luis Rodríguez Zapatero en Madrid, facendo que se volva a creer na política e nos políticos,...... sigueo en Galicia con Emilio Pérez Touriño, levando con capacidade de traballo, sensibilidade e sosego un cambio de política necesario para este país, facendoo avanzar máis e con raciocinio, e tócanos a nós como políticos locais ilusionar e enganchar ós veciños de CABANAS nesta actitud de sosego, capacidade de traballo e ilusión; para facer que CABANAS teña unha identidade propia na comarca.

Este equipo que encabeza MªJosé Cabana, máis coñecida por “KOKE”, ten a inquietude, as gañas de traballar, e a ilusión necesarias para poder afrontar este periodo e permitir afianzar e mellorar as cousas boas que ten logrado o partido socialista neste concello, que deseguro non foron máis por problemas “administrativos”, polos atrancos que nos poñían as administracións non “amigas”. Por iso digo que Cabanas está nun momento histórico que ten que aproveitar, con administracións socialistas na Deputación, na Xunta de Galicia e no Goberno Central, que co seu compromiso vannos a permitir desenrrolar o noso proxecto para CABANAS.

Neste acto de presentación comenza unha ilusión de traballar por CABANAS, que seguirá durante catro anos ata maio de 2011 onde teremos o honor de revalidar unha maioría que seguro conseguiremos nestas eleccións.